गोतामेको गनगन

हाईकु लेख्न भनेर बसेको यस्ता टुक्रामात्रै निक्ले । नियममा बसेर लेख्ने कुरा मेरो वशमा नभएजस्तो छ। सुझाव अपेक्षित छ।

"गरिबिको आनन्द"

सस्तो कोठाले
पूर्ण भएको छ मेरो
लाम्खुट्टे मार्ने कला ।


"बतास"

तन छुँदाछुँदै
मन पनि धोईसकेछ
क्या मिठो बतास ।

"छुट्टी"

दुइ दिने छुट्टी
किताबहरुको माझबाट
सुटुक्क गयो।


हाइकुको जन्मभूमि घुमेपछि एउटा हाइकु तेसैको नाममा।

"क्योटो"

आदिम आँगन
शताब्दीहरु
नाच्दै बग्छन् ।

फेरी दिल्लीकै कुरा।

"नेताहरूलाई चेतावनी"

हेर दाउपेच्!
दिल्लीको गोलमेच
देश चैं नबेच्!

आजलाई अन्तिम, निद्रा लाग्यो। तर फेरी पनि दिल्लीकै।

"साँठगाँठ"

राजा अफ्रिका
दिल्लीमा कुरा पक्का
जनता दिक्क

"आशंका"

आशंका-१

के फेरि पनि-
हाच्छ्युँ गर्ने हामी?
दिल्लीमा रुघा!

आशंका-२

चूल्हो चिसै छ!
अघाएका बिराला-
दर्शन छाँट्ने!

आशंका-३

दाईँ चल्दैछ,
घरको भकारीमा
मूसाको जम्जम्!

(यसपालाको बालीपनि मूसाहरुको भागमा मात्रै पर्ने हो कि?!)

आशंका-३

दाईँ चल्दैछ,
घरको भकारीमा
मूसाको जम्जम्!

उत्तम छ, अरु नि जाओस्। यी चैँ पक्का हाइकु भए - ५-७-५ पनि मिलेर।

"दिल्लीमा रुघा" : यसमा भने आसय बुझ्या बुझ्या नबुझ्या नबुझ्या जस्तो लाग्यो।

दादा, दिल्लीमा पानी परे नेपाली नेताहरु छाता ओढ्छन् भन्छन् नी, त्यसैलाई नया रुप दिएको हो। दिल्लीमा रुघा फैल्यो भने हाम्रा नेताहरुले हाच्छ्युँ गर्न के बेर?!

गौतमजी, राम्रा हाइकुहरू लेख्नुभो, अत्यन्त गहिरा र घुमाउरा। आफू त सीधा मात्र लेख्दैछु हाललाई। ल यौटा सुनम् फेरी।

"जनयुध्द"

वर्षौंको युध्द
जीवन अवरूध्द
कहाँ छन् बुध्द?

मानचित्रजी, तपाईँका हाईकु पनि दामी छन्।

आज मेरो तर्फ बाट तलका दुई;

"राजा"

अब बाँकी छ-
धर्मको खोल मात्रै,
फाटे लुगा सब!

"प्रश्न"

कति हिऊँद-
खप्ने आश छ तिम्रो?
खोल पातलो !


(खोल-Cover)

अर्को एउटा पनि फुर्यो, दिइहालम्।

"भ्रमण कि बरालिएको"

केन्या आ' बेलाँ-
यस्सो पसिहालौँ न
दक्षिण अफ्रिका!

अघिल्लोलाई सच्याऊँदै एक दुइ हाइकु अरु थपिहालौँ।

"राजा"

च्यातिए लुगा,
बाँकी छ अब खाली
धर्मको खोल!
-----------------------------------------
"प्रश्न"

कति हिऊँद-
काट्ने आश छ तिम्रो?
चिथ्रो खोलले !
-------------------------------------------

"भ्रमण कि बरालिएको? "

केन्या आ' बेलाँ-
यस्सो पसिहालौँ न
दक्षिण अफ्रिका!
------------------------------------------------

"परराष्ट्र मन्त्रीको डकार"

यात्रा राम्रो भो!
बिना निम्तै गइयो
कति ठाऊँ त!

"सुरुङभित्रबाट"

पल्लो छेउमा-
देखिएको पक्कै हो
लाली क्षितिज!

-----------------------------

"पिंजराभित्रबाट"

बन्धन तोड्दै
फड्फडाऊँदै उठ्दै छ,
देशको पंख!

-----------------------------

"स्वेच्छाका दासहरु"

सातो जाँदैछ,
जनता र जनता
मिलेको देख्दा!

'शािन्?त को आशा'

आशा जाग्?दैछ
जनता र जनता
मिलेको देख्?दा ।

लौ केही दिनपछि फेरी।

'सम्मेलनको शिक्षा'

ट्युनिस्को पाठ
सूचना सम्मेलन
एफम ठप्प

अर्को एउटा।

'भय'

प्रचण्ड बोले
सातोपुत्लो नै उड्यो
रेडियो पोले

यौटा अर्को दिइहालम्।

'गलत लक्ष'

वनमा गर्ज्यो
बाघ, पख् ए बिरालो!
म हान्छु डंडा!

फेरी फुर्यो।

'ज्ञानको खोजीमा'

अफ्रिका घुमी
अलि ढिलो आउँछु
अझै सिक्नुछ

खुनको टाटो
धुनलाई रोजेको
नाइल नदी॥१॥
अफ्रिकाबाट
लिएर आँउदैछु
शान्तिको भेल॥१॥

गणतन्त्र र मानचित्रजी, हाइकु यात्रालाई जारी राख्नु होला। rhisi जी, तपाईँको त सशक्त जाँदो रहेछ हाइकुमा; स्वागत छ।

आजलाई मेरो तर्फबाट;


"के धुने?""

कुरा नगर-
पखाल्ने, बगाउने
ऐनै नहेरी ! ??
-१-

दागै दाग छ
ढोंगी अनुहारमा
युग-युगको ।
-२-

शूतुरमुर्ग!
यत्रो भेल देख्दैनौ?!
आफैँ बग्दैछौ

View/Share this post only

अर्को एक;

"सरकार"

गज्जब छ बा!
चुलो भत्काईदिन्छ-
'पका', 'खा' भन्छ!

(प्रसारण सामाग्री लुटेर लगेको प्रसंग।)

View/Share this post only

अर्को एउटा पनि है! फुर्या बेलाँ लेखिहालौँ।

"तिम्रो भेल?"

संकेत होला,
बलात्कृत रेडियो-
तिम्रो भेलको!

View/Share this post only

गौतम गुरु ! तपाईको हाइकू-talent वास्तबमै प्रशंसनिय छ । खैर म पनि गुरूको सीखो गर्दैछु है त॥

कति बगेको
हाईकूको प्रवाह
गौतमजीमा ॥१॥

गौतमजीको
हाइकू मोह देखी
कायल छु म॥२॥

मकरतन्त्र
वाक स्वतन्त्रता रे
मुख थुनेर॥३॥