Please read bellow interview which was published on Naya patrika Recently.
(Source and full article :  http://www.nayapatrika.com/newsdetail.php?id=807070311492449&n_id=23)

त्याको अभियोगमा केन्द्रीय कारागारमा एक वर्षको जेलजीवनपछि जिल्ला अदालत काठमाडौंबाट सफाइ पाएका राजधानीका 'डन' मिलन गुरुङ उर्फ चक्रे मिलन अब सक्रिय राजनीति गर्ने योजनामा छन् । शनिबार ११ बजे महाराजगन्जस्थित निवासमा वरपर केटाहरू राखेर राजनीतिक गफमा व्यस्त उनले जाँदाजाँदै सोधे, 'मेरो त आज शनिको ब्रत हो, साथीहरू केही लिने हो ?'

आजभोलि के गर्दै हुनुहुन्छ ?
घरमै बसेर 'फ्रेस' भइराख्या छु । मेरो धेरै टाइम विदेशमा बित्छ । नेपालमा त जेल हालिहाल्छन्, बाहिर बस्नै दिन्नन् ।

यसैगरी चल्ने भयो त जिन्दगी ?
अब समाजसेवा गर्ने विचारमा छु । हुन त म परेँ, पहिल्यैदेखि समाजसेवी । तर, अबचाहिँ यसैमा बढी समय बिताउँजस्तो लाग्या छ । अब म पोलिटिक्स पनि गर्ने ।

भनेपछि नेता बन्ने अब ?
अँ । देशमा 'पोलिटिक्स' गर्नेहरू इमान्दार भएनन् के । खालि भाषण
भाषण मात्र गर्छन्, कामसाम गर्दैनन् । भाषण मात्र गरेर देश बन्छ ? काम गर्नुपर्‍यो नि, काम । मचाहिँ अरू जस्तो भाषण गर्ने नेता होइन, काम गर्ने नेता बन्ने हो । पोलिटिक्स गर्ने तर काम गर्न । उद्देश्य के ? काम, काम, काम ।

कुन पार्टीबाट राजनीति गर्ने ?
ल, कस्तो प्रश्न सोधेको ? म पहिल्यैदेखि एमाले भन्ने थाहा छैन ?

सधैं जेल पर्ने, गुन्डागर्दी गर्नेलाई पार्टीले पत्याउँछ ?
गुन्डागर्दी चैं नभन्नोस्, ल ! मैले कहिले गरेँ गुन्डागर्दी ? खालि हावाको तालमा गुन्डा भनिदिने ? हिजोजस्तो छैन के म । सोझोलाई, निर्दोषलाई कुट्ने, मार्ने काम गर्‍या छु मैले ? अब धनी बाबुका बिग्रिएका छोराहरूलाई यसो पिटपाट गर्दा सुध्रिन्छन् भने त उनीहरूको कल्याण नै हो नि, होइन ? फेरि जेल जाँदैमा राजनीति गर्न नपाइने भन्ने छैन क्यारे । तपाईं भन्नोस् त अहिलेका कुन चैं नेता जेल परेको छैन ? उनीहरू चैं जेल पर्दा सम्मान बढ्ने मचाहिँ बद्नाम हुने ? यो त भएन नि, भयो ? हेर्नोस्, म त जेलमा पनि समाजसेवा गरेर फर्केको मान्छे । एक वर्ष बसेँ, केन्द्रीय कारागार । बन्दी भेट्न आउनेहरू बस्ने ठाउँमा पानी चुहिन्थ्यो, मैले छाना फेरिदिएँ । ३० हजारभन्दा बढी रुपैयाँको किताब किनेर लाइब्रेरी खोल्द्या छु । भित्र ट्वाइलेट बनाइद्या छु । चौरमा दुबो रोपेर चिटिक्क पारद्या छु । कुनै नेताले जेल बसेर गर्‍यो यति काम ? अब ती योग्य कि म योग्य ?

तपाईं ग्याङस्टार त हो नि । कि यो पनि गलत आरोप हो ?
प्रहरीले बनायो मलाई ग्याङस्टार । म त खुरुखुरु आफ्नो व्यापार गरेर बसेको मान्छे । तर, कतै केही भयो कि हावातालमा पुलिसले मलाई नै समात्ने । घटनाको दोषी को हो भनेर खोज्ने होइन । उनीहरूलाई पनि सजिलो हुँदोरहेछ के । आयो समात्यो, लग्यो । हैरानै बनाए मलाई । मैले पटकपटक भनेको छु- पहिला घटनाको अनुसन्धान त गर्नुस् यार । म संलग्न रहेछु भने पक्राउ गर्नुस् र सजाय दिनुस् न । चक्रे मिलन अरूजस्तो होइन नि । अपराध गरेको छ भने सजाय भोग्न तयार छ क्या । अरूजस्तो आफूले गरेको काम गरेकै छैन भनेर टार्ने व्यक्ति होइन चक्रे । तर, नगरेको काम कसरी गरेको हुँ भन्ने ? त्यो डंगोलको (हत्या) केस हेर्नुस् । घरमा पूजा गरेर बसेको मान्छेलाई हत्यामा संलग्न छ भनेर पक्रेर बेक्कारमा एक वर्ष जेलमा राख्यो । आखिरमा सत्य के हो त अदालतबाट पुष्टि भइहाल्यो नि ।

LOL....LOL....LOL...I know this guy........HAHAHHAHAHA politics....LOL  wow......MAY BE HE WILL DO GOOD.........THIS GUY USES HIS HANDS MORE THAN WORDS.....LOL

hahahaha....desh ko naiyke nai 15000 manche ko hatyara bhaye pachi jabo 2/4 jana lai marda kasle patayula ra milan chakre lai...if he really want to make a career in politics he will need to do some overtime now.

Nepal ma paile ta jail gako certificat le election jitthey...aba ta 2/4 wata bomb napadkai...kamti ma pani 10/20 jana namari election jitne chance nai chaina....last election is the proof of my arguement.